Kleven Maritime har inngått kontrakt med Eidesvik Offshore

Eidesvik Offshore kontraherar ved Kleven Maritime – 1 + 1 LNG plattform servicefarty for levering i Q1 og Q4 2012

Kleven Maritime har inngått kontrakt med Eidesvik Offshore om bygging av 1+1 avanserte plattform servicefarty av typen VS 489 LNG . Fartya skal utrustast ved Kleven Verft i Ulsteinvik, levering er sett til 1. kvartal og 4. kvartal 2012.

For Kleven Maritime er det særleg gledeleg at Eidesvik Offshore kjem attende, etter at verftsgrupperinga tidlegare har levert 2 innovative farty til reiarlaget. I 1998 leverte Kleven Verft Viking Poseidon - den gong verdas største PSV på 93 * 22 meter og med innreiing til 70 personar. I 2003 leverte verftet verdas første LNG drevne PSV - Viking Energy – til Eidesvik.

Reiarlaget Eidesvik er i fremste rekke på miljøfokusert drift av offshore-farty, med fleire farty drive med LNG. På same tid stadfestar Kleven Maritime sin posisjon som pioner i levering av miljøvennlege farty drive med LNG.

Dei nye fartya representerer ein ny generasjon miljøvennlege og driftssikre plattform servicefarty, der det er lagt stor vekt på miljø, drivstofføkonomi og lastekapasitet både under og over dekk. Med lett isklasse (ICE C) vil fartya vere eigna for nordområda. Avansert utstyr for oljeoppsamling (OIL REC NOFO 2009) og kapasitet som standby-farty vil auke attraktiviteten i marknaden. Dødvekta er på heile 6 500 tonn, lengde 90 meter, breidde 21 meter, dekksarealet er på over 1 050 m2. Dei miljøvenlege LNG dual fuel motorane sikrar lave utslepp av NOX og reduserte utslepp av CO2. I tillegg er fartya utrusta med reinsesystem for ballastvatn, som er eit komande miljøkrav for denne type farty.

Wärtsilä leverer design, generatorsett, automasjon og elektriske system. Kontraktane vil gi store leveransar for mange lokale leverandørar, mellom anna Hareid Elektriske Teknikk og Brunvoll.

Kontraktsverdien er på MNOK 440 for det fyrste fartyet. Kleven Maritime har no ein ordrereserve på 11 skip til ein samla verdi på 5,3 mrd.

For meir informasjon ta kontakt med:

Kleven Maritime: Konsernsjef Ståle Rasmussen mobil 90936493